Əl-Mayadin xəbər verir ki, İsrail ordusunun xüsusi təyinatlı qüvvələri Suriya sərhədini keçərək Dəraa əyalətindəki iki kəndi təmizləyib.
Kanalın məlumatına görə, İsrail qoşunları yeddi zirehli maşınla Yərmuk çayındakı Masartiya kəndinə yola düşüb və orada ev axtarışları zamanı radikal qruplara mənsub olmaqda şübhəli bilinən iki nəfəri saxlayıblar.
Başqa bir xüsusi təyinatlı qüvvə bölməsi Saysunda əməliyyat keçirib və oraya aparan yollar bağlanıb.
Qonşu Quneytra əyalətində isə İsrailin mexanikləşdirilmiş patrulları Ayn Zeiwan ərazisində müşahidə edilib, burada nəzarət məntəqələri qurulub və nəqliyyat vasitələri yoxlanılıb. Bir neçə Suriya vətəndaşı saxlanılıb və onların dəqiq sayı müəyyənləşdirilir.
Fevralın 14-də Münhen Təhlükəsizlik Konfransında çıxış edən Suriya xarici işlər naziri Əsəd əl-Şeybani işğalçı qüvvələrin davam edən basqınlarının suriyalıların həyatını təhlükəyə atdığını və bütün regionu qeyri-sabitləşdirdiyini bildirib. O, əlavə edib ki, Dəməşq İsrailin hərəkətlərini baş verən bir hadisə kimi qəbul edə bilməz. Nazir vurğulayıb ki, "Biz müdaxiləyə son qoymağa və Qolan təpələrində İsrail və Suriya qüvvələrinin ayrılması ilə bağlı 1974-cü il sazişinin həyata keçirilməsinə çalışacağıq".
Əziz Mustafa
