İranda etirazçılara qarşı ən azı 23000 cinayət işi açılıb.
“Cebheinfo.az” xəbər verir ki, bu barədə “Radio Farda” məhkəmə rəsmisinə istinadən yazıb.
Onun sözlərinə görə, ölkənin bütün əyalətlərində həbslər həyata keçirilib. O, həmçinin etirazlar zamanı 749 polis bölməsinə və 120 İslam İnqilabı Keşikçiləri Korpusunun mərkəzinə hücumların qeydə alındığını bildirib.
ABŞ-də yerləşən müstəqil insan haqları təşkilatı olan İranda İnsan Haqları Fəallarının (HRAI) məlumatına görə, 15 fevral tarixinə olan məlumata görə, ən azı 53552 nəfər həbs olunub, onlardan 144-ü tələbədir. 11053 nəfər məhkəməyə çağırılıb.
Ölkədə etirazlar 28 dekabr 2025-ci ildə başlayıb və bütün əyalətlərə yayılıb. Əvvəlcə etirazçılar iqtisadi böhranla bağlı tələblər irəli sürsələr də, sonradan hökumətə qarşı şüarlar səsləndirib və monarxiyanın bərpasına çağırıblar.
HRAI bildirir ki, 7015 nəfərin öldüyü təsdiqlənib, onlardan 6.508-nin etirazçı olduğu güman edilir; daha 11.744 iş üzrə araşdırma aparılır. Bundan əlavə, insan haqları fəallarının məlumatına görə, 25.845 nəfər yaralanıb.
"The Wall Street Journal" qəzeti ABŞ rəsmilərinə istinadən bildirib ki, ABŞ iranlıların karantin rejimini aşmalarına kömək etmək üçün gizli şəkildə İrana təxminən 6000 “Starlink” terminalı göndərib. Qəzetin mənbələri qeyd edib ki, Prezident Tramp daşınmalardan xəbərdar olub, lakin onun planı birbaşa təsdiqləyib-təsdiqləmədiyini bilmirlər.
