Azvision saytına istinadən ain.az xəbər verir.
AzVision.az xəbər verir ki, İspaniyanın xarici işlər naziri Xose Manuel Albaresin kubalı həmkarı Bruno Rodrigeslə Madriddə keçirdiyi görüşdən sonra İspaniya Xarici İşlər Nazirliyi belə məlumat yayıb. “İspaniya və Kuba siyasi, iqtisadi və kommersiya dialoqunu, eləcə də hər iki ölkənin mənafeyi naminə əməkdaşlığı gücləndirmək niyyətindədirlər”, – Kuba XİN-in rəhbəri Bruno Rodriges “X” sosial şəbəkəsində yazıb. Kuba daha əvvəl Meksikadan 800 ton humanitar yardım alıb. Bu yükləri iki hərbi gəmi keçən həftə ada ölkəsinə çatdırıb. 
Azadlıq Adası Vaşinqtona cavab verib
Xatırladaq ki, Kubanın iqtisadi və enerji böhranı ABŞ-nin adaya neft tədarükünü blokadaya alması ilə daha da ağırlaşıb. Vaşinqtonun Kubanın ən mühüm neft təchizatçısı və ən yaxın müttəfiqi olan Venesuelaya hücumundan və Nikolas Maduronun ələ keçirilməsindən sonra Karakas Havanaya neft tədarükünü kəsib. Yanvarın sonunda Amerika lideri Donald Tramp Kubanı “ABŞ-nin milli təhlükəsizliyi üçün müstəsna təhdid” adlandıraraq, Havanaya neft və ya neft məhsulları tədarükünü davam etdirən ölkələri cərimə tariflərinin tətbiqi ilə hədələyib. Fevralın 13-də BMT Kubada böhranın ağırlaşmasından narahatlığını bildirib. Təxminən 11 milyon əhalisi olan ada ölkəsi tez-tez elektrik enerjisinin kəsilməsi, qida və dərman çatışmazlığı ilə üzləşir. Bununla bağlı hökumət fövqəladə tədbirlər, o cümlədən yanacaq satışına və ictimai nəqliyyata məhdudiyyətlər tətbiq edib. Adanın enerji təchizatı hələ də sovet dövründən qalma etibarsız istilik elektrik stansiyalarına əsaslanır. Havananın enerji idxalına böyük ehtiyacı var. Yerli mazut istehsalı tələbatın təxminən 40%-ni ödəyir. Benzinə çevrilməsi mümkün olmayan bu mazut yalnız elektrik stansiyaları üçün istifadə olunur. Kuba hakimiyyətinin daha əvvəl qarşıdakı bir ay ərzində aviasiya yanacağı qıtlığının olacağı barədə verdiyi açıqlama beynəlxalq aviaşirkətləri adaya uçuşları ləğv etmək məcburiyyəti qarşısında qoyub. Sahil İsgəndərov
AzVision.az
Ən son xəbərləri və yenilikləri almaq üçün ain.az saytını izləyin.
