ain.az xəbər verir, Ayna saytına əsaslanaraq.
Bankların rəhbərləri milli alternativin yaradılması ilə bağlı ilk görüşlərini keçirəcəklər
Böyük Britaniya banklarının rəhbərləri Amerika ödəniş sistemləri “Visa” və “Mastercard”a milli alternativin yaradılması ilə bağlı ilk görüşlərini keçirəcəklər. AYNA.AZ xəbər verir ki, bu barədə “The Guardian” qəzeti məlumat yayıb.
Görüş 19 fevrala planlaşdırılıb və “Barclay”ın baş direktoru Vim Maru sədrlik edəcək. Milli ödəniş sisteminin yaradılması qərarı ABŞ Prezidenti Donald Tramp administrasiyasının Böyük Britaniyanın “Visa” və “Mastercard”a çıxışını məhdudlaşdıra biləcəyi ilə bağlı narahatlıqlardan irəli gəlir.
"Əgər “Visa” və “Mastercard” məhdudlaşarsa, bu, bizi 1950-ci illərə qaytaracaq. Əlbəttə ki, bizə suveren ödəniş sisteminə ehtiyac var", - ölkənin maliyyə liderlərindən biri qeyd edib.
Milli ödəniş sistemi ilə bağlı müzakirələr bir neçə ildir davam edir, lakin son təhdidlər Amerika şirkətlərindən asılılıqla bağlı narahatlıqları artırıb. Çünki “Visa” və “Mastercard” 2025-ci ildə ölkədə ödənişlərin 95%-ni təşkil edib. Qəzetin məlumatına görə, yeni sistem 2030-cu ildən əvvəl istifadəyə verilə bilər.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
