Belçikanın fransızdilli Vallon bölgəsindəki Mons şəhərində 11 fevralda başlayan təbii qaz kəsintisinin indiyə qədər 12.000 ev təsərrüfatına təsir etdiyi bildirilir. Belçikanın fransız dilində yayımlanan ictimai televiziyası olan RTBF-in məlumatına görə, ötən çərşənbə günü Monsun bəzi məhəllələrində texniki nasazlıq səbəbindən başlayan təbii qaz kəsintiləri hələ də davam edir.

İndiyə qədər 12.000 ev kəsintidən təsirlənsə də, hakimiyyət orqanları 2000 evə qaz təchizatının bərpa olunduğunu açıqlayıb.Vallon bölgəsinin 75%-dən çoxuna elektrik enerjisi və təbii qaz paylanmasından məsul olan Ores şirkətinin sözçüsü Annabel Vanbever bildirib ki, 11 fevral kəsilməsindən sonra 12.000 təsirlənmiş ev təsərrüfatında təbii qaz sayğacları təchizatın yenidən qoşulması üçün söndürülüb.

Vanbever əlavə edib ki, sayğaclar söndürüldükdən sonra şəbəkəyə təbii qaz təchizatı bərpa olunub və son addım olaraq sayğacların yenidən qoşulması prosesinə başlayıblar.

O qeyd edib ki, bu proses vaxt apara bilər, çünki texniki qruplar sayğacları yenidən qoşmaq üçün hər bir evə fərdi olaraq baş çəkməlidirlər və normal vəziyyətə qayıtmaq üçün konkret tarix deyə bilməzlər.



Mons meri Nikolas Martin təbii qaz kəsilməsi səbəbindən bəzi bələdiyyə obyektlərinin, məsələn, duş qəbul etmək üçün ictimai istifadəyə açıldığını açıqlayıb.

Martin həmçinin bildirib ki, sakinlər qızdırıcılar tələb edə bilərlər.

aia.az
Tərcümə şöbəsi

• Zərər
• Təsərrüfat
• Belçika
• Kəsinti
• Təbiqi Qaz
• Mons