Ronaldo meydana qolla qayıtdı

Nəhayət, Kriştiano Ronaldo yaşıl meydana qayıdıb.

"Football-plus.az" xəbər verir ki, o, 3 oyunluq boykotdan sonra “Əl-Nəssr”in heyətində meydana çıxıb. Portuqaliyalı hücumçu Səudiyyə Ərəbistanı çempionatının “Əl-Fateh”lə matçının start heyətinə yer alıb və qayıdışını qolla qeyd edib.

Ronaldo 18-ci dəqiqədə Sadio Manenin ötürməsini qola çevirməklə hesabı açıb. 78-ci dəqiqədə isə Ayman Yahya 2-ci qolu vurub və “Əl-Nəssr” 2:0 hesablı qələbə qazanıb.

Xatırladaq ki, Ronaldo komandasının son 3 oyununda (2-si çempionat, 1-i Asiya Çempionlar Liqası) meydana çıxmayıb. Futbolçu bu addımı Səudiyyə Ərəbistanı Suveren Fondunun siyasətinə və klub işçilərinin maaşlarının gecikdirilməsinə etiraz əlaməti kimi atmış və oyunları boykot etmişdi.