Rusiyalı oliqarx Samvel Karapetyan "Güclü Ermənistan" partiyasının baş nazir vəzifəsinə namizəd göstərilib.
Ölkə.Az Ermənistan mediasına istinadən bildirir ki, bu barədə təqdimat mərasimi zamanı məlumat verilib.
Bir gün əvvəl Samvel Karapetyan yekdilliklə "Güclü Ermənistan" partiyasının lideri seçilib.
Samvel Karapetyan 2025-ci ilin iyun ayında ruhanilər və hakimiyyət arasında münaqişə fonunda Erməni Kilsəsini açıq şəkildə dəstəklədiyinə görə həbs edilib.
Daha sonra iş adamına qarşı Ermənistan Cinayət Məcəlləsinin 296-cı maddəsinin 3-cü hissəsinin 2-ci və 3-cü bəndləri ilə yeni ittihamlar irəli sürülüb: "vəzifəli və ya rəsmi səlahiyyətlərdən və ya onlara əsaslanan təsirdən istifadə edərək xüsusilə külli miqdarda çirkli pulların yuyulması". 2025-ci ilin dekabr ayının sonunda o, ev dustaqlığına buraxılıb.
