ABŞ Prezidenti Donald Tramp cənnətə getməyə ümid edir, çünki "çox yaxşı işlər görüb". O, gözləntilərini Vaşinqtonda C-SPAN tərəfindən yayımlanan Milli Dua Səhər Yeməyi mərasimində açıqladı.
"Həqiqətən düşünürəm ki, bəlkə də cənnətə getməliyəm", - deyə Tramp bildirib.
Eyni zamanda, Amerika prezidenti ideal olmadığını etiraf edib. Onun sözlərinə görə, çatışmazlıqlarına baxmayaraq, o, digər insanlar üçün çox yaxşı işlər gördüyünə inanır.
"Mən ideal namizəd deyiləm, amma ideal insanlar üçün çox yaxşı işlər görmüşəm", - deyə siyasətçi əlavə edib.
Tramp həmçinin bildirib ki, ABŞ Rusiya-Ukrayna münaqişəsinə son qoymaq üçün çox çalışır. "Biz çox yaxınıq, demək olar ki, bunu etdik", - deyə o, tədbir zamanı bildirib.
Keçən ilin sentyabr ayında respublikaçı tərəfdarlarına "cənnətə düşə" bilməsi üçün 15 dollar ianə etmələrini xahiş edən bir e-poçt göndərib. Məktubda o, 2024-cü ildə ona sui-qəsd cəhdinin edildiyini və "güllənin dərisini deşdiyini" xatırladıb.
