Almaniyanın "Bavariya" klubu heyətini qorumaq yolunda mühüm addım atıb.
QOL.az xəbər verir ki, Münhen təmsilçisi hücumçu Serj Qnabri ilə yeni müqavilə imzalayıb. 30 yaşlı futbolçu 2028-ci ilin yayına qədər komandada qalacaq.
Qeyd edək ki, 2018-ci ilin yayından "Bavariya"nın şərəfini qoruyan Qnabri indiyədək 311 oyunda meydana çıxıb. O, bu matçlarda 100 qol vurub və 69 məhsuldar ötürmə edib. Təcrübəli vinger Münhen klubu ilə 6 dəfə Almaniya çempionu olub, Çempionlar Liqası və digər titulları qazanıb.
Xatırladaq ki, "Bavariya" hazırda Bundesliqada turnir cədvəlinə başçılıq edir və ən yaxın izləyicisi "Borussiya"nı (Dortmund) 6 xal qabaqlayır.
