Cebheinfo portalından əldə olunan məlumata əsasən, ain.az xəbər verir.
“Başımız Cefri Epşteynə, İrana, Rusiyanın Ukraynaya təcavüzünə qarışıb deyə, məmləkətdə bəzi maraqlı proseslərin müzakirəsi kənarda qalıb. Son günlər ciddi hadisə baş verdi – qəbul edilmiş yeni qanunlara, Naxçıvan Muxtar Respublikasının Konstitusiyasına edilmiş dəyişikliklərə görə, Naxçıvanın muxtariyyəti “de-fakto” ləğv edildi. Növbəti addım kimi, çox güman, Azərbaycan Konstitusiyasına da dəyişikliklər etmək lazım olacaq, bunun üçün referendum lazımdır”.
"Cebheinfo.az" xəbər verir ki, bu sözləri Respublikaçı Alternativ (ReAL) Partiyasının sədri Natiq Cəfərli özünün “Facebook” səhifəsində yazıb.
O bildirib ki, Prezidentin şəxsi nümayəndəliyi institutunun gücləndirilməsi və iqtisadi inkişafa səbəb olacaq bir neçə başqa dəyişikliklər də qəbul edilsə daha məqsədəuyğun olar:
“Referenduma tək Naxçıvan MR-nın “de-jure” ləğvi deyil, həm də İcra Hakimiyyəti institutunun ləğvi, Bələdiyyələrin səlahiyyət və məsuliyyətinin artırılması ilə yerli özünüidarə institutlarının gücləndirilməsi, proporsional seçkiyə keçid, Milli Məclisin hökumət üzərində nəzarətinin artırılması, ölkəmizin inzibati-ərazi quruluşunun dəyişdirilməsi, yəni Prezidentin fərmanı ilə yaradılmış 14 iqtisadi rayonun (Qarabağ, Şərqi Zəngəzur, Naxçıvan və s. kimi) inzibati ərazi vahidinə çevrilməsi, Prezidentin şəxsi nümayəndəliyi institutunun gücləndirilməsi və iqtisadi inkişafa səbəb olacaq bir neçə başqa dəyişikliklər də qəbul edilsə, çox yaxşı olardı.
İlk addım kimi Naxçıvan MR-nın konstitusiyasına edilən dəyişiklik istiqamət olaraq doğrudur, ümid edirəm ki, növbəti addım Azərbaycan Ana Yasasına ölkənin önünü açacaq, iqtisadi tərəqqiyə, rifaha təməl yaradacaq dəyişikliklər olacaq...”
"Cebheinfo.az"
Problemlərinizi bizə yazın, şahidi olduğunuz hadisələri çəkib göndərin
Ən son xəbərləri və yenilikləri almaq üçün ain.az saytını izləyin.
