Kişi voleybolçuların Yüksək Liqasında XII tura yekun vurulub.
90deqiqe.Az xəbər verir ki, turun son oyun günündə iki qarşılaşma keçirilib. “Neftçi” “Murov Az Terminal”ı 3:0 (25:21, 25:22, 25:21), ardınca isə “Xilasedici” komandası “Ordu” kollektivini 3:0 hesabı ilə məğlub edib.
Hər iki matç Fövqəladə Hallar Nazirliyinin idman zalında təşkil olunub.
Qeyd edək ki, turun açılış oyununda “Azərreyl” “Gənclər” komandasını 3:0 (25:15, 25:16, 25:13) hesabı ilə məğlub etmişdi.
