Gəncədə kanalizasiya quyusunda təmir zamanı partlayış baş verib.
APA-nın yerli bürosunun məlumatına görə, hadisə şəhər ərazisində kanalizasiya quyusunun üzərində qaynaq işləri aparılan zaman qeydə alınıb. Qaynaq qığılcımları quyuya düşüb və bu zaman orada yığılan qaz partlayışa olub. Nəticədə 1984-cü il təvəllüdlü A.Zamanov, 1968-cı il təvəllüdlü Ə.Paşayev və daha bir nəfər xəsarət alıb. Onlar xəstəxanaya yerləşdirilib.
Hadisə yerinə müvafiq qurumların əməkdaşları cəlb edilib.
Faktla bağlı araşdırma aparılır.
