Berlin, 1 fevral, AZƏRTAC
Almaniya parlamentinin – Bundestaqın sabiq sədri Rita Züssmut vəfat edib. Xristian Demokratlar İttifaqının (CDU) üzvü olan siyasətçi 88 yaşında dünyasını dəyişib.
AZƏRTAC xəbər verir ki, bu barədə parlamentin hazırkı sədri Yuliya Klökner X platformasında məlumat verib.
R.Züssmut 1987-2002-ci illərdə Almaniya Bundestaqının üzvü olub. O, on il ərzində - 1988-1998-ci illərdə isə parlamentin sədri vəzifəsini icra edib. R.Züssmut 1985-1988-ci illərdə Kansler Helmut Kolun rəhbərlik etdiyi hökumətdə ailə məsələləri, yaşlılar, qadınlar və gənclər naziri vəzifəsində fəaliyyət göstərib.
Elvin Mövsüm
AZƏRTAC-ın xüsusi müxbiri
Berlin
