ABŞ Prezidenti Donald Tramp Kanadanın ABŞ-da yerləşən "Gulfstream Aerospace" şirkətinə məxsus reaktiv təyyarələrə sertifikat verməməsi səbəbindən Kanadaya məxsus bütün təyyarələrin ABŞ-dakı sertifikatını ləğv etdiyini bildirib və ABŞ-a satılacaq bütün təyyarələrə 50 faiz gömrük rüsumu tətbiq ediləcəyi barədə xəbərdarlıq edib.
Tramp sosial media hesabından etdiyi açıqlamada Kanadanın "Gulfstream 500, 600, 700 və 800" modellərini sertifikatlaşdırmaqdan imtina etməsinə sərt reaksiya göstərib. Prezident Tramp "Kanadanın Gulfstream 500, 600, 700 və 800 reaktiv təyyarələrini haqsız, qeyri-qanuni və qətiyyətli şəkildə sertifikatlaşdırmaqdan imtina etməsi faktına əsaslanaraq, bu günə qədər edilməli olduğu kimi, 'Bombardier Global Express'ləri və Kanadada istehsal olunan bütün təyyarələri 'Gulfstream' tam sertifikat alana qədər sertifikatsız hesab edirik. 'Gulfstream' böyük bir ABŞ şirkətidir və illər əvvəl sertifikatlaşdırılmalı idi" deyə əlavə edib.
Kanadanın sertifikatlaşdırma prosesi vasitəsilə "Gulfstream" məhsullarının satışını faktiki olaraq əngəllədiyini müdafiə edən Tramp "Əgər bu vəziyyət hər hansı bir səbəbdən dərhal düzəldilməzsə, Kanadanan ABŞ-a satılacaq bütün təyyarələrə 50 faiz gömrük rüsumu tətbiq edəcəyəm" deyə bildirib.
