Dövlət Gömrük Komitəsinin (DGK) sədri Şahin Bağırovun Prezidentin sərəncamı ilə general-polkovnik rütbəsi alması bir sıra məsələləri gündəmə gətirib. Məlum olub ki, Azərbaycanda general-polkovnik rütbəsi daşıyan 22 şəxs var.
DİN, MN, FHN, DTX, DGK və s. güc strukturlarına və hüquq mühafizə orqanlarına rəhbərlik edən şəxslərə general-polkovnik rütbəsi verilməsi qanunun tələbidir, yoxsa başqa amillər var?
Globalinfo.az-a danışan hərbi ekspert Ədalət Verdiyev deyib ki, general-polkovnik hərbi rütbəsinin verilməsi müstəsna olaraq Ali Baş Komandanın səlahiyyətinə aiddir:
“Hərbi xidmətdə, xüsusi xidmət orqanlarında və bir sıra dövlət strukturlarında xidmət edən şəxslərin xüsusi hərbi rütbələrlə təltif olunması onların tutduğu vəzifələrlə birbaşa bağlıdır. Əgər vəzifələri həmin hərbi rütbələrə uyğundursa, o zaman yüksək hərbi rütbələrin verilməsi mümkündür.
Xatırladıram ki, Şahin Bağırov da general-polkovnik vəzifəsindədir və burada heç bir qeyri-adi hal yoxdur”.
Qeyd edək ki, hazırda Azərbaycanda general-polkovnik rütbəsi daşıyan şəxslərin siyahısı belədir:
1. Zakir Həsənov – Müdafiə naziri
2. Bəylər Əyyubov – Prezident Katibliyinin rəisi
3. Ramil Usubov – Azərbaycan Təhlükəsizlik Şurasının katibi
4. Kərim Vəliyev – Baş Qərargah rəisi, müdafiə nazirinin birinci müavini
5. Əli Nağıyev – Dövlət Təhlükəsizlik Xidmətinin rəisi
6. Vilayət Eyvazov – Daxili işlər naziri
7. Kəmaləddin Heydərov – Fövqəladə Hallar naziri
8. Elçin Quliyev – Dövlət Sərhəd Xidmətinin rəisi
9. Mədət Quliyev – Azərbaycan Təhlükəsizlik Şurası katibinin müavini
10. Fikrət Məmmədov – Konstitusiya Məhkəməsinin hakimi, sabiq ədliyyə naziri, I dərəcəli ədliyyə müşaviri
11. Kərəm Mustafayev – Əlahiddə Ümumqoşun Ordunun sabiq komandanı
12. Vaqif Axundov – Xüsusi Dövlət Mühafizə Xidmətinin sabiq rəisi
13. Səfər Mehdiyev – Dövlət Gömrük Komitəsinin sabiq sədri
14. Zakir Qaralov – Sabiq Baş prokuror, I dərəcəli dövlət ədliyyə müşaviri
15. Nəcməddin Sadıqov – Silahlı Qüvvələrin sabiq Baş Qərargah rəisi
16. Səfər Əbiyev – Eks-müdafiə naziri
17. Aydın Əliyev – Dövlət Gömrük Komitəsinin keçmiş sədri
18. Namiq Abbasov – Sabiq milli təhlükəsizlik naziri
19. Fazil Məmmədov – Sabiq Vergilər naziri (I dərəcəli dövlət vergi xidməti müşaviri)
20. Tofiq Ağahüseynov – Böyük Vətən müharibəsi veteranı, Respublika Veteranlar Təşkilatının keçmiş sədri
21. Hikmət Mirzəyev – Müdafiə nazirinin müavini – Quru Qoşunlarının komandanı, Vətən Müharibəsi Qəhrəmanı.
22. Şahin Bağırov – Dövlət Gömrük Komitəsinin sədri, “Vətənə xidmətə görə” ordeninin tam kavaleri.
