ain.az, Cebheinfo portalından verilən məlumatlara əsaslanaraq xəbər verir.
“Vaşinqton və Tehran arasında ölkənin nüvə proqramının və ballistik raket istehsalının məhdudlaşdırılması ilə bağlı ilkin danışıqlar nəticə vermədikdən sonra ABŞ Prezidenti Donald Tramp İrana qarşı yeni böyük zərbə endirməyi düşünür”.
“Cebheinfo.az” xəbər verir ki, bunu məlumatlı mənbələr CNN-ə bildiriblər.
Onların sözlərinə görə, Ağ Ev etirazların yatırılmasında və etirazçıların öldürülməsində məsul hesab etdiyi İran liderlərinə, təhlükəsizlik qüvvələrinə qarşı hava hücumları əmri verə bilər:
“Bundan əlavə, ABŞ qüvvələri İranın dövlət qurumlarını və nüvə obyektlərini hədəfə ala bilər. Tramp hələlik əlavə tədbirlər barədə yekun qərar verməyib, lakin “USS Abraham Lincoln” təyyarədaşıyan gəmisinin rəhbərlik etdiyi təyyarədaşıyan zərbə qrupunu Yaxın Şərqə göndərdikdən sonra güc tətbiq etmək variantını da istisna etməyib”.
Hərbi əməliyyat təhdidləri fonunda ABŞ İran rəsmiləri ilə görüş üçün ilkin şərtlər irəli sürüb.
CNN mənbələrinə görə, bunlara uranın zənginləşdirilməsindən imtina etmək, ballistik raket proqramının məhdudlaşdırılması və regionda İranın proksi qüvvələrinə dəstəyin dayandırılması daxildir.
Lakin ən problemli məsələ ABŞ-nin İrandan ballistik raketlərinin mənzilini məhdudlaşdırması tələbidir. Tehran bu tələbi rədd edib və yalnız nüvə proqramını müzakirə etməyə hazırdır. CNN mənbələrindən birinin qeyd etdiyi kimi, Tramp Tehranı ABŞ tələblərini qəbul etməyə məcbur etmək üçün güclü bir zərbə endirmək istəyir.
Xatırladaq ki, bir gün əvvəl ABŞ Prezidenti İranı ölkənin nüvə obyektlərinə hücum edildiyi 2025-ci ilin yayından daha güclü bir zərbə ilə hədələyib.
Tramp “TruthSocial” sosial media platformasında yazıb:
"Ümid edək ki, İran tez bir zamanda danışıqlar masasına oturacaq və bütün tərəflərə fayda verən ədalətli və bərabər bir razılaşma əldə olunacaq. NÜVƏ SİLAHı OLMAYACAQ".
Buna cavab olaraq, İran xarici işlər nazirinin müavini Kazem Qəribabadi Tehranın ABŞ və İsrail ilə münaqişənin üçüncü mərhələsinə qədəm qoyduğunu bildirib. O, ilk iki mərhələ kimi 2025-ci ilin yayında baş verən 12 günlük müharibəni və dekabr və yanvar aylarının əvvəllərində iqtisadi böhran fonunda baş verən kütləvi etirazları göstərib.
İran xarici işlər naziri Abbas Əraqçi də vurğulayıb ki, ölkə istənilən təcavüzə "dərhal və güclü" cavab verməyə hazırdır.
Xəzər
“Cebheinfo.az”
Açar sözlər:
Tramp əmr
Problemlərinizi bizə yazın, şahidi olduğunuz hadisələri çəkib göndərin
Sonrakı hadisələr barədə daha çox məlumat almaq üçün ain.az saytını izləyin.
