“Barselona”nın hücumçusu Robert Levandovski Avropanın Top-5 liqalarında 500-cü oyununa çıxıb.
Msport.az xəbər verir ki, polyak forvard bu göstəriciyə İspaniya La Liqasının XVII turunda “Vilyarreal”a qarşı keçirilən və “Barselona”nın 2:0 hesablı qələbəsi ilə başa çatan matçda nail olub.
Levandovski oyuna 62-ci dəqiqədə Ferran Torresin əvəzinə daxil olub.
Təcrübəli hücumçu Top-5 liqalarda indiyədək 389 qol vurub. Bu göstəricidə o, yalnız “İnter Mayami”nin hücumçusu Lionel Messi (496 qol) və “Ən-Nəsr”in forvardı Kriştiano Ronaldodan (495 qol) geri qalır.
Qeyd edək ki, cari mövsümdə Levandovski La Liqada 13 oyunda səkkiz qol vurub və bir məhsuldar ötürmə ilə yadda qalıb.
