"Boz kardinal, Kremlin ölkəmizdəki Baş rezidenti, istiqlalımızın və milli dövlətçiliyimizin barışmaz düşməni olan Ramiz Mehdiyevin illər uzunu himayə etdiyi, bəslədiyi, körüklədiyi, “Ana müxalifət” imici yaratmağa çalışdığı, patronu qədər xəyanət damğalı, uğurlarımızı həzm etməyən Əli Kərimlinin DTX-nin ağ niyyətli qara maskalı əməkdaşları tərəfindən saxlanılması gözlənilən idi".
Redaktor.az xəbər verir ki, bu sözləri Milli Məclisin deputatı öz feysbul hesabında yazıb.
Deputat qeyd edib ki, 20 ildən çox biri Ağ Evin rahat kabinetində gizli, digəri küçələrdə və internet resurslarında açıq formada qoşa addımlayan və milli dövlətçiliyimizə asi kəsilən Ramiz Mehdiyev Əli Kərimli xəyanəti ifşa olunmaqdadı.
"Əminəm ki, illər boyu gecələr dost, gündüzlər, "düşmən" olanlar eyni talehi həbs evində də yaşayacaqlar. Bu dəfə həm də eyni kordinatda",- deyə Fazil Mustafa vurğulayıb.
Aminə ŞAHSUVARQIZI
