BAKI,TurkicWorld
Rumıniyalı həmkarı Aleks Florentsanın dəvəti ilə Azərbaycan Respublikasının Baş prokuroru Kəmran Əliyevin rəhbərlik etdiyi nümayəndə heyəti Buxarestdə işgüzar səfərdədir.
Bu barədə TurkicWorld-ə Azərbaycan Respublikasının Rumıniyadakı səfirliyinin Mətbuat xidmətindən məlumat verilib.
Bildirilib ki, səfər çərçivəsində 23 noyabrda nümayəndə heyəti Buxarest şəhərində Tey Parkında ucaldılmış Azərbaycan xalqının ümummilli lideri Heydər Əliyevin büstünü ziyarət edib.
Ziyarət zamanı Ulu Öndərin əziz xatirəsi dərin ehtiramla yad olunub, büstün önünə əklil və güllər düzülüb.
Səfər çərçivəsində Baş prokuror Kəmran Əliyevin rəhbərlik etdiyi nümayəndə heyəti ölkəmizin Rumıniyadakı səfirliyini ziyarət edərək, səfirliyin heyəti ilə görüşüb, iş şəraiti ilə maraqlanaraq, ölkələr arasında müxtəlif səhələrdə əlaqələrin gücləndirilməsi perspektivləri barədə fikir mübadiləsi aparıb. Azərbaycan Respublikasının Baş Prokurorluğu tərəfindən hazırlanan "Qarabağ Azərbaycandır" kitabları səfirliyin kitabxanasına hədiyyə olunub.
