Misli Premyer Liqasının 12-ci turu çərçivəsində noyabrın 23-ü saat 17:30-da “Palms Sports Arena”da keçiriləcək “Neftçi” – “İmişli” matçının biletləri satışa çıxarılıb.
İdmanxeber.az-ın məlumatına görə, qiyməti 3 (“Şərq 1”, “Şərq 2”, “Forza”, “Qərb 2” sektorları), 5 (“Cənub üst”, “Şimal 1”, “Şimal 2” sektoru), 7 (“Cənub alt” sektorları), 25 (“VIP Silver” sektoru) və 30 (“VIP Gold” sektoru) AZN təşkil edən biletləri “Neftçi”nin mobil tətbiqindən və https://bilet.neftchi.az saytından onlayn şəkildə əldə etmək olar.
Qeyd edək ki, bu biletlərlə Misli Premyer Liqasının 15-ci turu çərçivəsində dekabr ayında “Palms Sports Arena”da keçiriləcək “Neftçi” – “Sumqayıt” matçına da giriş etmək mümkün olacaq. Yəni azarkeşlərimiz bir bilet almaqla bu il keçiriləcək son iki ev oyunumuzu tribunadan izləyə biləcəklər.
Bu yalnız onlayn alınan biletlər üçün keçərlidir. Stadionumuzun kassasında isə “İmişli” ilə matç üçün biletlər oyun günü saat 11:00-dan etibarən satışda olacaq.
