Bu gün Paris Apellyasiya Məhkəməsində Fransanın sabiq Prezidenti Nikola Sarkozinin həbsdən azad olunması ilə bağlı müraciətinə baxılacaq.
Aznews.az xəbər verir ki, bu barədə "BFMTV" telekanalı məlumat yayıb.
Dinləmə açıq formatda keçiriləcək.
Prokurorluq Sarkozinin məhkəmə nəzarəti qaydasında azad edilməsini təklif edib. Əgər məhkəmə keçmiş prezidentin azadlığa buraxılmasına razılıq versə, o, elektron qolbaq taxmalı, pul girovu qoymalı və ya müntəzəm olaraq hakimiyyət orqanlarına gəlməli, eləcə də işin digər iştirakçıları ilə əlaqə saxlamamalı olacaq.
