Avropa Komissiyası qərara alıb ki, Rusiya vətəndaşları artıq Şengen multivizası ala bilməyəcəklər. Artıq ruslar AB-yə daxil olmaq istədikdə hər dəfə yeni viza üçün müraciət etməli olacaqlar.
“Bu andan etibarən Rusiya vətəndaşları artıq multiviza ala bilməyəcəklər. Bu o deməkdir ki, Rusiya vətəndaşları AB-yə səfər etməyi planlaşdırdıqları hər dəfə yeni viza üçün müraciət etməli olacaqlar”.
Bundan əlavə, ruslardan gələn bütün Şengen vizası müraciətləri artıq gücləndirilmiş yoxlamadan keçiriləcək. Bəzi ruslar müstəsna qaydada çoxdəfəli Şengen vizası ala biləcəklər: AB vətəndaşlarının yaxın qohumları və ya AB ölkələrindən birində yaşayan ruslar müəyyən şərtlər altında illik çoxdəfəli viza ala biləcəklər.
