2026-cı il yanvarın 1-dən etibarən Almaniya Federativ Respublikası Rusiya vətəndaşlarının biometrik olmayan pasportlarını (köhnə beşillik sənədlər) tanımayacaq. Bu barədə Moskvadakı Almaniya səfirliyinin rəsmi saytında məlumat verilib.
"1 yanvar 2026-cı il tarixindən etibarən Rusiya vətəndaşlarından Almaniyaya daxil olmaq üçün Rusiya biometrik pasportu tələb olunacaq. Beş illik etibarlılıq müddəti olan qeyri-biometrik pasportlar artıq tanınmayacaq", - deyə bəyanatda bildirilir.

Qeyri-biometrik pasportlar üçün verilən vizalar üçün istisna nəzərdə tutulub: onlar 31 dekabr 2025-ci il tarixinə qədər əldə edilə bilər və bu tarixdən əvvəl təqdim edilən ərizələr həmin tarixdən sonra da işlənəcək.

Bu qərar Şengen Sərhəd Məcəlləsinin tövsiyələrinə uyğundur və digər AB ölkələri tərəfindən oxşar addımları izləyir. Çexiya, Danimarka, Estoniya, Latviya və Litva artıq Rusiya vətəndaşlarının qeyri-biometrik pasportlarını tanımaqdan imtina ediblər. Səfirlik vurğulayır ki, bu tədbir təhlükəsizliyin artırılmasına və prosedurların uyğunlaşdırılmasına yönəlib.

aia.az
Tərcümə şöbəsi

• Almaniya
• Ruslar
• Pasport
• Qadağan