Bu gün UEFA Çempionlar Liqasının 2025/2026 mövsümünün qrup mərhələsinin IV turu çərçivəsində maraqlı qarşılaşma baş tutacaq.
90deqiqe.Az-ın məlumatına görə, “Mançester Siti” doğma meydanda Dortmund “Borussiya”sını qəbul edəcək. Görüş Mançesterdəki “Etihad” stadionunda keçiriləcək və start fiti Bakı vaxtı ilə 00:00-da səslənəcək.
90deqiqe.Az bu iki komanda arasında son beş qarşılaşmanın nəticələrini təqdim edib:
25.10.2022 – “Borussiya” – “Mançester Siti” – 0:0
14.09.2022 – “Mançester Siti” – “Borussiya” – 2:1
14.04.2021 – “Borussiya” – “Mançester Siti” – 1:2
06.04.2021 – “Mançester Siti” – “Borussiya” – 2:1
04.12.2012 – “Borussiya” – “Mançester Siti” – 1:0
Qeyd edək ki, əvvəlki turda “Mançester Siti” İspaniyanın “Vilyarreal” klubuna qarşı 2:0 hesabı ilə qələbə qazanıb. “Borussiya” isə Danimarkanın “Kopenhagen” komandası üzərində 4:2 hesablı qələbə əldə edib.
Növbəti turda Xosep Qvardiolanın yetirmələri 25 noyabrda “Bayer” ilə qarşılaşacaqlar. Niko Kovaçın komandası isə həmin gün “Vilyarreal” ilə üz-üzə gələcək.
Əlavə edək ki, cari mövsümün Çempionlar Liqasının final oyunu 30 may 2026-cı il tarixində Budapeştdəki “Puşkaş Arena” stadionunda keçiriləcək.
