ABŞ-də ərzaq yardımı proqramı dayandırılıb

AzVision.az xəbər verir ki, ABŞ prezidenti Donald Tramp bununla bağlı özünün “Truth Social” sosial şəbəkəsində paylaşım edib.

“Maliyyələşdirmə yalnız demokratlar Senatdahökumətin büdcə üzrə qanun layihəsini dəstəklədikdən sonra bərpa olunacaq”,- Amerika lideri yazıb.

Daha əvvəl ABŞ-nin Kənd Təsərrüfatı nazirliyinə istinad edən “Washington Post (WP)” nəşri Tramp administrasiyasının noyabrda ərzaq yardımı fondlarının yarısını ayıracağını yazmışdı. Bu qərar Rod-Aylend məhkəməsinin Ağ Evdən təxminən 42 milyon amerikalıya ödənişlər verməsini tələb edən qərarından sonra qəbul olunub.

Nyu-Yorkda ilk dəfə müsəlman mer seçilib

Donald Tramp, öz növbəsində, Ağ Evin hazırkı şatdaun zamanı vəsait ayırmaq üçün qanuni səlahiyyətə malik olmadığını, lakin məhkəmə qərarı verilərsə, ona əməl etməyə hazır olduğunu bildirmişdi.

Yeri gəlmişkən, ABŞ-nin Nəqliyyat naziri Şon Daffi “CNBC” telekanalına müsahibəsində şatdaunun hətta ölkənin hava nəqliyyatının dayandırılmasına dasəbəb ola biləcəyini deyib.

Xatırladaq ki, ABŞ hökuməti rəsmi olaraq oktyabrın 1-də fəaliyyətini dayandırıb. Bu bağlanma ölkə tarixində ən uzun müddətə ikinci şatdaundur. Donald Trampın ilk prezidentliyi dövründə 2019-cu ilin yanvarında 35 günlük rekord müddətə şatdaun qeydə alınmışdı.

Sahil İsgəndərov
AzVision.az