Bu gün "Qarabağ"ın U-19 komandası UEFA Gənclər Liqasında 3-cü tur oyununu keçirəcək.
QOL.az xəbər verir ki, Ağdam təmsilçisi səfərdə "Atletik"lə qarşılaşacaq. Oyun Bakı vaxtı ilə saat 14:00-da başlayacaq.
Görüşü İsraildən olan hakimlər briqadası idarə edəcək. Referi Qal Levi olacaq.
Hazırda turnir cədvəlində "Qarabağ" 0 xalla 35-ci, "Atletik" isə 6 xalla 6-dır.
Qeyd edək ki, "Qarabağ" U-19 ilk matçında "Benfika"ya (1:7), 2-ci oyununda isə "Kopenhagen"ə (0:5) uduzub.
