ABŞ Prezidenti Donald Tramp ən çox "Bitcoin"ə sahib olan şəxslərdən biridir.
Publika.az "Forbes"ə istinadən xəbər verir ki, onun təxminən 870 milyon dollar dəyərində "Bitcoin"i var.
Maraqlıdır ki, bu böyük sərvət prezidentin rəsmi maliyyə açıqlamalarında yer almır və "Trump Organization" saytında qeyd edilmir. Çünki Tramp öz payını "Truth Social"ın operatoru olan "Trump Media Technology Group" (TMTG) hesabında saxlayır.
TMTG bu ilin may ayında səhm satışı vasitəsilə 2,3 milyard dollar cəlb edib. İyul ayında TMTG bu vəsaitləri 2 milyard dollar dəyərində "Bitcoin" almaq üçün istifadə edib. Səhm satışı nəticəsində Trampın TMTG-dəki payı 52%-dən 41%-ə düşüb. Ancaq şirkətin böyük miqdarda "Bitcoin" alışından sonra kriptovalyutanın qiyməti təxminən 6% artıb, beləliklə, Trampın bu kriptovalyutada şəxsi payı 870 milyon dollara çatıb. Bu isə Trampı Uinklvoss qardaşları (8 milyard dollarlıq "Bitcoin" sahibidirlər) və Maykl Seylor (təxminən 5 milyard dollarlıq "Bitcoin"i var) kimi əsas kriptovalyuta milyarderləri ilə eyni mərtəbəyə yüksəldir.
Xatırladaq ki, Tramp 2019-cu ildə kriptovalyutalar barədə demişdi:
