1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
ABŞ-də "Delta Airlines" aviaşirkətinə məxsus iki sərnişin təyyarəsi toqquşub.
Oxu.Az bu barədə "ABC News" telekanalına istinadla məlumat verib.
Hadisə Nyu-Yorkun La-Quardia aeroportunda uçuş zolağında qeydə alınıb. Aviaşirkətin açıqlamasına görə, Virciniya ştatının Roanok şəhərinə uçuşa hazırlaşan təyyarənin qanadı Şimali Karolina ştatının Şarlott şəhərindən gələn təyyarənin gövdəsinə toxunub.
Hadisə zamanı bort bələdçisi xəsarət alıb, o, xəstəxanaya yerləşdirilib.
Qəzanın səbəbləri araşdırılır.
