BAKI, 2 sentyabr. TELEQRAF
Bu gün Ukrayna Prezidenti Volodomir ZelenskiKopenhagendə Avropa liderləri ilə görüş keçirəcək.
Teleqraf xəbər verir ki, bu barədəDanimarka Baş naziri Mette Frederiksen bildirib.
Onun sözlərinə görə, Ukrayna lideri "Avropa Siyasi Birliyi"nin 7-ci Zirvə toplantısında iştirak edəcək.
Görüşdən sonra Volodimir Zelenski Danimarka Baş naziri ilə birgə mətbuat konfransı keçirəcək və Avropa liderləri ilə danışıqlarının nəticələri barədə məlumat verəcək.
Qeyd edək ki, tədbirdə Avropa İttifaqı (Aİ) rəhbərləri də daxil olmaqla, təxminən 50 dövlət və hökumət başçısı iştirak edəcək.
