“Bloomberg” yazır ki, “Lufthansa” koronavirus pandemiyasından bəri “ən iri” qənaət proqramına başlayır. İşçilərin ixtisarı əsasən proseslərin “rəqəmsallaşdırılması və avtomatlaşdırılması” hesabına həyata keçiriləcək.
“Reuters”in məlumatına görə, ixtisarlar şirkətin inzibati heyətinin təxminən 20%-nə təsir edəcək ki, bu da 4000 işçi deməkdir. Əksər ixtisarlar Almaniyada olacaq və şirkətə ildə təxminən 300 milyon avro qənaət etməyə imkan verəcək.
“Bloomberg” qeyd edir ki, “Lufthansa” “səmərəsiz” iş prosesi, tətil aksiyaları və təyyarələrin təhvilində gecikmələr fonunda rentabelliyi artırmağa çalışır. Şirkət 2021-ci ildə müəyyən olunmuş mənfəət hədəflərinə çata bilməyib.
Bundan əlavə, “Lufthansa” 2030-cu ilə qədər 230-dan çox təyyarə almağı və dünyada ən böyük üç avia-yükdaşıma şirkətindən birinə çevrilməyi planlaşdırır.
