Amerika əsilli rusiyalı bloger Patrik Lankasterin Gürcüstana girişinə icazə verilməyib.
Publika.az xəbər verir ki, o, Rusiyadan quru sərhədi ilə daxil olmaq istəyib. Bu barədə “RİA Novosti”yə bloger özü məlumat verib.
"Mənə Gürcüstana giriş icazəsi verilmədi. Rəsmi olaraq. Onların qərarını 4 saat gözlədik, lakin onlar imtina etdilər. Bizə heç bir səbəb göstərmədilər, amma aydındır ki, bu, söz və mətbuat azadlığının pozulmasıdır. Jurnalist kimi işlədiyim üçün ölkəyə buraxılmadım", - Lankaster deyib.
O bildirib ki, Rusiya-Gürcüstan sərhədinə reportajında ona kömək edən həyat yoldaşı Nadejda ilə gəlib. Məqsədləri Gürcüstan və Ermənistandakı vəziyyəti işıqlandırmaq olub.
