Amerikanın avtomobil istehsalçısı Ford sükan sistemindəki nasazlığa görə ABŞ-dakı 115 500 avtomobilini geri çağıracaq.
Ucnoqta.az xəbər verir ki, Reuters bu barədə Milli Avtomobil Yolları Hərəkətinin Təhlükəsizliyi Administrasiyasının (NHTSA) məlumatlarına istinadən məlumat yayıb.
Agentliyin məlumatına görə, geri çağırma 2020-2021-ci illər arasında istehsal olunmuş F-250, F-350 və F-450 pikaplarına aiddir.
Tənzimləyici qeyd edir ki, geri çağırma sükan sütununun yuxarı şaftının ayrılmasına və nəticədə avtomobilin idarəetməsinin itirilməsinə səbəb ola biləcək qüsurla əlaqədardır.
Agentlik qeyd edir ki, Ford dilerləri zərər çəkmiş avtomobillərin sahiblərinə pulsuz təmir və ya nasaz hissənin dəyişdirilməsini təmin edəcək.
