Ukrayna prezidenti Vladimir Zelenski Çini Rusiyanın ölkəsinə qarşı müharibəsinin dayandırılmasına kömək etmək istəməməkdə ittiham edib.
Herbiand.az xəbər verir ki, bu barədə Zelenskiy çərşənbə axşamı, sentyabrın 23-də BMT Təhlükəsizlik Şurasının iclasında deyib:
"Əgər Çin həqiqətən də bu müharibənin bitməsini istəsəydi, Moskvanı bu işğalı dayandırmağa məcbur edə bilərdi. Çin olmasa, Putinin Rusiyası heç bir şey deyil, lakin Çin sülh naminə hərəkət etmək əvəzinə susqun və kənarda qalır".
Zelenski əlavə edib ki, ABŞ Moskvanı müharibəni dayandırmağa sövq edə biləcək başqa bir ölkədir. “Moskva Amerikadan qorxur və həmişə ona diqqət yetirir”, o, həmin gün ABŞ prezidenti Donald Trampla görüşünə istinad edərək qeyd edib.
Zelenskinin sözlərinə görə, Kiyev ABŞ-ın atəşkəs və Moskva ilə danışıqlara dair bütün təkliflərini dəstəkləyib, lakin “Rusiya həmişə “yox” deyirdi və ya atəşkəsin baş tutmaması üçün hamını çaşdırmağa çalışırdı”.
