Bərdədə 6 yaşlı uşaq ev şəraitində venadaxili inyeksiyadan sonra dünyasını dəyişib. İddia olunur ki, azyaşlıya iynə vurulduqdan dərhal sonra onun vəziyyəti pisləşib. O, xəstəxanaya çatdırılsa da, həyatını xilas etmək mümkün olmayıb.
Adalet.az Azərtac-a istinadən xəbər verir ki, Səhiyyə Nazirliyinin həkim-eksperti, pediatr Nigar Bayramova bildirir ki, dərman allergiyalarının qarşısını əvvəlcədən almaq çox vaxt mümkün olmur. Bəzi dərman preparatlarının qəbulu dərhal, bəzən isə saatlar və ya günlər sonra fəsad verə bilər.
