Birləşmiş Millətlər Təşkilatının (BMT) baş katibi Antonio Quterreş Fələstinlilər üçün dövlətin qurulmasının mükafat deyil, haqq olduğunu və iki dövlətli həllin alternativi olmadığını bildirib.
Birləşmiş Millətlər Təşkilatının (BMT) Baş katibi Antonio Quterreş BMT Baş Assambleyasında keçirilən “Fələstin probleminin sülh yolu ilə həlli və iki dövlətli həllin həyata keçirilməsi üçün yüksək səviyyəli beynəlxalq konfrans”da çıxış edib.
ABŞ-ın Fələstin nümayəndə heyətinə viza verməməsindən məyus olduğunu dilə gətirən Quterreş, "Gəlin illüziyalara qapılmayaq. İsrail-Fələstin münaqişəsi nəsillər boyu həll olunmamış qalıb. Dialoq pozulub. Qətnamələrə məhəl qoyulmayıb. Beynəlxalq hüquq pozulub" deyib.
Quterreş Fələstindəki vəziyyətin dözülməz olduğunu və saat keçdikcə daha da pisləşdiyini vurğulayaraq dedi:
“Bu gün biz bu kabusdan yeganə çıxış yolunu tapmaq üçün buradayıq: İsrail və Fələstinin iki müstəqil, suveren və demokratik dövlət kimi yan-yana yaşadığı, 1967-ci ildən əvvəlki sərhədlərə əsaslanan, etibarlı və tanınmış sərhədlər daxilində, sülh və təhlükəsizlik şəraitində, Qüds hər iki dövlətin paytaxtı olmaqla, beynəlxalq qanunlara, BMT-nin digər müvafiq qətnamələrinə uyğun olaraq iki dövlətli həll".
Quterreş BMT-yə üzv ölkələrin bu kontekstdə Fələstin Dövlətini tanımaq öhdəliyini alqışladığını və iki dövlətli həllə dəstəyin artırılmasının vacibliyini qeyd edib.
