1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Azərbaycanın strateji yerləşməsi bizə imkan verir ki, Orta Asiyadan Türkiyəyə və Avropa İttifaqına "yaşıl elektronları" ötürən bir körpü rolunu oynayaq".
Oxu.Az xəbər verir ki, bunu Azərbaycan Beynəxalq İnvestisiya Forumunda panel müzakirəsi zamanı SOCAR-ın vitse-prezidenti Əfqan İsayev deyib.
O qeyd edib ki, dənizdə külək enerjisinin inkişafı nəzərdən keçirilir:
"Quruda külək, günəş enerjisindən istifadə inkişaf mərhələsindədir. Amma dənizdə potensial hələ toxunulmamış qalıb, bu sahədə çox böyük imkanlar var. Xəzər dənizindəki ərazi sularımızda təxminən 157 giqavatlıq imkan mövcuddur. Bundan əlavə, geotermal enerji hələ istifadə olunmayıb. Biz bəzi tərəfdaşlarla birlikdə araşdırmalara başlamışıq və gələcəkdə elektrik istehsalı, geotermal enerji, eləcə də mərkəzləşdirilmiş istilik üçün daha çox iş görüləcək. Bu sahədə də böyük imkanlar var".
Məhərrəm Əliyev
