Belqorod vilayətinin iki rayonunda - Rkainyatski və Krasnoyarskda Ukrayna Silahlı Qüvvələrinin (UAF) hücumları səbəbindən son dərəcə ağır vəziyyət yaranıb.
Publika.az xəbər verir ki, bu barədə Rusiya vilayətinin qubernatoru Vyaçeslav Qladkov özünün Teleqram kanalında məlumat verib.
“Təəssüf ki, əməliyyat vəziyyəti son dərəcə çətin olaraq qalır. Son günlər Krasnoyarsk və Rakityanski rayonlarında vəziyyət son dərəcə ağırlaşıb. Təkcə dünən 10 nəfər yaralanıb. Üç nəfər həlak olub: biri Şebekinski rayonunda, ikisi Rakityanskidə”, - qubernator bildirib.
Vilayət qubernatoru Ukrayna Silahlı Qüvvələrinin hücumları nəticəsində həlak olanların ailələrinə başsağlığı verib. O vurğulayıb ki, ərazi müdafiə qüvvələri və Müdafiə Nazirliyi vəziyyətin yaxşılaşdırılması və əməliyyat şəraitinin sabitləşdirilməsi üçün mümkün olan hər şeyi edir.
