Müğənni Nura Suri həbs olunan iş adamı Adnan Əhmədzadə və xanımı Gülsəfa Cəfərovanı müdafiə edib.
Həmin paylaşımı təqdim edirik:
"Şəxsən tanımadığınız insanlar haqqında necə belə danışa bilirsiniz? Bu nə nifrətdir varlı, imkanlı şəxslərə qarşı? Niyə kimsə problemə düşəndə və yaxud vəzifədən çıxarılanda yazmağa başlayırsınız? Kiminsə Allaha inandığını, hər gün dua edib-etmədiyini hardan bilirsiniz? Bəziləri hər paylaşımın altında özlərini həlak ediblər ki, millətin pulunu oğurlayıb.
Bu şərhi yazan insanlar, belə düşünənlər heç vaxt bu həyatda uğur qazana bilməzlər. Başda beyin düzgün işləmirsə o adama milyon da versələr heç bir uğur əldə edə bilməz. Yaponların bir misalı var, deyir: əgər ağıllısınızsa niyə kasıbsınız. İnsan pulla kasıblamır, ağıldan kasıblayır".
"Cebheinfo.az"
