Oktyabrın 12-də keçiriləcək UFC Döyüş Gecəsində planlaşdırılan Çarlz Oliveyra – Rafael Fiziyev qarşılaşması təxirə düşə bilər.
İdman.biz xəbər verir ki, xarici mətbuatda yayılan məlumatlara görə, Azərbaycanı təmsil edən döyüşçü Rafael Fiziyev zədələnib. “AG Fight” nəşri idmançının yaxın ətrafı ilə əlaqə saxlayaraq bu xəbəri təsdiqləyib.
Qeyd edək ki, hələlik UFC rəhbərliyi rəsmi açıqlama yaymayıb. Əgər Fiziyev döyüşə çıxa bilməsə, təşkilatın prezidenti Deyna Uayt Çarlz Oliveyra üçün yeni rəqib müəyyənləşdirəcək.
İdman.biz
