Böyük Britaniya hökuməti ABŞ prezidenti Donald Trampın dövlət səfərinin başa çatmasından sonra Fələstin dövlətçiliyini tanıyacaq. Bu barədə “The Times” nəşri məlumat yayıb.
Nəşrin məlumatına görə, Böyük Britaniyanın Baş naziri Kir Starmer bu məsələni 18 sentyabrda planlaşdırılan birgə mətbuat konfransından sonraya saxlamaq qərarına gəlib.
ABŞ Fələstinin rəsmi tanınmasına qarşı çıxır. Donald Tramp belə bir addımı 2023-cü ilin oktyabrında İsrailə hücum etmiş fələstinli HƏMAS qruplaşması üçün “mükafat” adlandırıb.
“The Times”ın məlumatına görə, London Fələstinin tanınmasını gələn həftə keçiriləcək BMT Baş Assambleyasının iclası başlamazdan əvvəl elan etməyi planlaşdırır. Fələstini həmçinin Fransa, Kanada və Avstraliya da tanıya bilər.
