Çinin dövlət hava yolu şirkəti China Eastern Airlines Şanxay ilə Argentina paytaxtı Buenos Aires arasında yeni bir uçuş xətti açdığını elan edib. Şirkət bu xətti dünyanın ən uzun birbaşa uçuşu olaraq təqdim edir.
Şanxay Pudong Hava Limanından (PVG) qalxan təyyarə təxminən 25,5 saat ərzində Buenos Airesdəki Ministro Pistarini Hava Limanına (EZE) çatacaq. Dönüş uçuşu isə 29 saat davam edəcək.
China Eastern-in açıqlamasına görə, uçuş zamanı Yeni Zelandiya, Aucklandda iki saatlıq dayanacaq olacaq. Sərnişinlər bu müddətdə təyyarədən enib qısa bir fasilə verə biləcəklər. Buna görə də uçuş birbaşa hesab edilsə də, dayanmadan sayılmır.
Şirkət xətini dünyanın ilk ticarət antipod əlaqəsi adlandırır. Antipod termini yer üzündə bir-birinin tam əks tərəfində yerləşən şəhərləri ifadə edir. Yeni marşrut 4 dekabrdan etibarən Boeing 777-300 tipli geniş gövdəli təyyarələrlə həftədə iki dəfə xidmət göstərəcək.
China Eastern marşrutun qeyri-adi cənub xəttini istifadə edərək dünyanın ən təcrid olunmuş sularından və Antarktika yaxınlığından keçəcəyini bildirir ki, bu da təxminən dörd saatlıq zaman qənaəti təmin edəcək.
Havacılıq mütəxəssisləri dünyanın ən uzun uçuşu titulunu hələ də Singapur Hava Yollarının Singapur–Nyu York arasında 18 saatdan uzun dayanacaqsız uçuşuna verirlər.
Hazırda Şanxay–Buenos Aires marşrutunda ən sürətli seçim Air France və Lufthansa tərəfindən təqdim olunur. Lakin bu uçuşlar təxminən 31 saat çəkir, Paris və ya Amsterdamda dəyənma tələb edir. Dönüş uçuşlarında isə müddət digər şirkətlərdə 28–33 saat arasında dəyişir.
Çinli hava yolunun yeni xətti Asiya-Sakit Okean ilə Cənubi Amerika arasında “Hava İpək Yolu” yaratmağı hədəfləyir. Digər tərəfdən, Avstraliyanın öncül hava yolu Qantas “Project Sunrise” layihəsi çərçivəsində Sidney–London arasında 10 min mil uzunluğundakı marşrutu dayanmadan uçmaq üçün işlərini davam etdirir.
