Venesuelada hərbi əməliyyat ehtimalı artır...
Poliqon xəbər verir ki, The Times qəzetinin yazdığına görə, ABŞ-ın ilk hədəfi Venesuelanın narkotik daşıyan gəmiləri olacaq, lakin əsas məqsəd diktator Nikolas Maduronu devirməkdir.
Mənbələr qeyd edir ki, Maduro ABŞ-ın genişmiqyaslı hərbi əməliyyat hazırladığına əmindir. O, amerikalıların öz sosial media hesablarında Simon Bolivar hava limanının dördüncü terminalından beş səviyyə aşağıda yerləşən ən dərin bunkerin koordinatlarını niyə paylaşdığını sual edir.
Venesuela lideri ya bombardman, ya da 1989-cu ildə Panama lideri Manuel Norieqa-ya qarşı həyata keçirilən əməliyyat tipli qəfil hücum gözləyir. ABŞ-ın bu addımları beynəlxalq gərginliyi daha da artırır və Venesuelada siyasi vəziyyəti son dərəcə həssas edir.
Bu məsələ ilə bağlı Birləşmiş Ştatlardan rəsmi açıqlama verilməsə də, analitiklər Donald Trampın bu mövzuya xüsusi diqqət yetirdiyini və Maduronu Latın Amerikasında “ədalətli müharibə” üçün potensial hədəf olaraq gördüyünü bildirirlər.
Poliqon.info
