ain.az, Bizimyol portalına istinadən məlumat verir.
Qətər əmiri Şeyx Təmim bin Həməd Al Sani və ABŞ dövlət katibi Marko Rubio İsrailin Dohaya hücumunun nəticələrini müzakirə edərək, Qətər və ABŞ arasında müdafiə sahəsində əməkdaşlığın gücləndirilməsinin vacibliyini vurğulayıblar.
Bizimyol.info xəbər verir ki, bu barədə Əmirliyin Xarici İşlər Nazirliyinin rəsmi sözçüsü Məcid bin Məhəmməd əl-Ənsari məlumat verib.
“Görüş zamanı iki ölkə arasında strateji əlaqələr, o cümlədən, xüsusilə müdafiə sektorunda əməkdaşlığın gücləndirilməsi yolları nəzərdən keçirilib. Onlar həmçinin son regional və beynəlxalq hadisələri, xüsusən də İsrailin Dohaya xain hücumunun nəticələrini müzakirə ediblər”, - deyə Qətər diplomatı bildirib.
Sözçü qeyd edib ki, İsrailin Qətərin paytaxtında HƏMAS rəhbərliyinin iqamətgahına endirdiyi zərbə ABŞ və Qətər arasında müştərək müdafiəyə dair yeni sazişin ən qısa zamanda bağlanmasının vacibliyini vurğulayır. “Biz suverenliyimizi müdafiə etmək və hər hansı bir hücumun yenidən baş verməməsi üçün tədbirlər görmək əzmindəyik”, - deyə əl-Ənsari əlavə edib.
Çərşənbə axşamı Rubio bildirib ki, ABŞ və Qətər müdafiə sahəsində əməkdaşlığı gücləndirmək üçün razılaşmanı yekunlaşdırır. Tərəflərin hərbi sahədə sıx əməkdaşlığa dair razılığa gəldiyi əvvəlki saziş 2013-cü ildə imzalanıb. Bundan əlavə, Yaxın Şərq monarxiyası 2022-ci ildə ABŞ-ın əsas qeyri-NATO müttəfiqi statusunu alıb. Qətər ABŞ-ın Mərkəzi Komandanlığının əməliyyat qərargahının yerləşdiyi Yaxın Şərqdəki ən böyük Amerika hava bazası Əl Udeiddir.
Sentyabrın 9-da İsrail Dohada olan Fələstinin HƏMAS hərəkatının rəhbərliyinin üzvlərini vurub. Fələstin hərəkatı 6 nəfərin, o cümlədən təşkilatın Qəzza zolağındakı liderlərindən biri Xəlil əl-Heyinin oğlu və Qətər təhlükəsizlik qüvvələrinin əməkdaşının öldüyünü bildirib. HƏMAS-ın yüksək rütbəli üzvlərinin ölüm xəbərləri hələ ki, təsdiqini tapmayıb.
Qadir, Bizimyol.info
Daha ətraflı məlumat və yeniliklər üçün ain.az saytını izləyin.
