ain.az xəbər verir, Bakivaxti saytına əsaslanaraq.
Daha sürətli yeriyən insanlarda xərçəngə, xüsusilə də ağciyər xərçənginə tutulma riski aşağıdır.
Bakıvaxtı.az xəbər verir ki, bunu Honq-Konq Universitetinin (HKUMed) alimləri müəyyən ediblər.
Məlumata görə, böyük miqyaslı biotibbi məlumat bazası olan UK Biobank-da alimlər 430 mindən çox iştirakçının sağlamlığı və fiziki fəaliyyəti haqqında məlumatları təhlil ediblər.
Qeyd olunub ki, əvvəlki tədqiqatlar, əsasən, gəzinti müddəti, tezliyi, xərçəng halları və ölüm nisbəti arasındakı əlaqəyə diqqət yetirib. Bununla belə, çox vaxt ümumi sağlamlığın mühüm göstəricisi hesab edilən yerimə sürətinə daha az diqqət yetirilib.
Yeni araşdırma göstərib ki, sürətli gəzinti Britaniya kohortunda ümumi xərçəng riskini 13%, Çinli fərdlərdə isə 45% azaldır. Ən əhəmiyyətli qoruyucu təsir, orta hesabla 53% azalma ilə ağciyər xərçəngi üçün görülüb.
Tədqiqatçılar sürətli yerimənin tənəffüs sistemini effektiv şəkildə məşq etdirdiyini irəli sürürlər.
Əlavə təhlillər göstərib ki, bu qoruyucu təsirin təxminən dörddə biri iltihab markerlərinin azalması və lipid parametrlərinin yaxşılaşması ilə izah edilə bilər.
Mina Mikayılova
Sonrakı hadisələr barədə daha çox məlumat almaq üçün ain.az saytını izləyin.
