Amerikanın Google şirkəti 5 milyard funt sterlinq (6,8 milyard dollar) dəyərində iki illik investisiya proqramı çərçivəsində Londonun cənub-şərqində Böyük Britaniyanın Uotthem Kross (Hertfordşir) qəsəbəsində məlumatların emalı mərkəzinin açılışını elan edib.
NOCOMMENT.az xəbər verir ki, bu barədə TASS agentliyi məlumat yayıb.
Texnologiya nəhənginin sözlərinə görə, ən müasir məlumat mərkəzi “Google-un süni intellektlə işləyən xidmətlərinə, məsələn, Google Cloud, Workspace, Search və Maps kimi bütün ölkə üzrə insanlar, bizneslər və hökumət təşkilatları tərəfindən hər gün istifadə edilən tələbatı ödəməyə kömək edəcək”. Mərkəzin tikintisində əksəriyyəti britaniyalı olmaqla 250-dən çox şirkət iştirak edib.
Alphabet və Google-un prezidenti və baş investisiya direktoru Ruth Porat bildirib ki, Google “Böyük Britaniyadakı mövqeyini gücləndirir və ölkəyə 2030-cu ilə qədər iqtisadiyyatı 400 milyard funt sterlinq (545 milyard dollar) artırmaq və kritik dövlət xidmətlərini təkmilləşdirmək üçün süni intellekt sahəsindəki potensialını reallaşdırmağa kömək edir”.
Google-un investisiyasının hər il Britaniya adalarında 8000-dən çox iş yerinin yaradılması gözlənilir.
