Bu ilin yanvar-avqust aylarında Naxçıvan Muxtar Respublikasının İqtisadiyyat Nazirliyi "ASAN xidmət" mərkəzləri vasitəsilə sahibkarlara 69 lisenziya verib. Nazirlikdən “Xalq”qəzetinə verilən məlumata görə, həmin lisenziyaların hesabına dövlət büdcəsinə 29 705 manat vəsait ödənilib. 8 ayda yerli qurumların verdiyi 5 846 icazə reyestrdə qeydiyyata alınıb ki, bu da ötən ilin eyni dövrü ilə müqayisədə 2,2 dəfə çoxdur. Son 1 ildə icazələrdən daxilolmaların məbləği isə 57,4 % artaraq 135 573 manat olub.
XQ
