ain.az xəbər verir, Bizimyol saytına əsaslanaraq.
Çin sosial şəbəkəsi "TikTok"un ABŞ-da fəaliyyət göstərməsi ilə bağlı razılaşmanın şərtləri, xidmətin səhmlərinin investorlar konsorsiumu tərəfindən alınmasını nəzərdə tutacaq.
Bizimyol.info xəbər verir ki, bu barədə "The Wall Street Journal" qəzeti ABŞ hökumətində adı açıqlanmayan rəsmiyə istinadən məlumat yayıb.
Mənbənin sözlərinə görə, ümumilikdə razılaşmanın şərtləri, tərəflərin aprel ayında keçirdikləri danışıqlarda müzakirə olunan şərtlərə bənzəyir. Eyni zamanda, qəzet bildirir ki, "Blackstone" şirkəti bu mümkün sövdələşmənin tərkibində yer almayacaq.
Əvvəlki ABŞ Maliyyə Naziri Skott Bessentin verdiyi məlumata görə, ABŞ prezidenti Donald Trump və Çin Xalq Respublikasının prezidenti Si Cinpin 19 sentyabrda keçiriləcək telefon danışığında "TikTok"un ABŞ-dakı fəaliyyətinin gələcəyinə dair yekun razılaşmanı təsdiq edəcəklər.
Qeyd edək ki, "TikTok"la bağlı gərginlik keçmiş ABŞ prezidenti Co Baydenin hakimiyyəti dövründə başlayıb. Bayden administrasiyası ölkə ərazisində "TikTok"un fəaliyyətini dayandırmaq və ya satmaq məcburiyyətini nəzərdə tutan qanunu 19 yanvar tarixində qəbul edib. 20 yanvar tarixində prezidentlik andı içən Donald Trump həmin platformanın ABŞ-da bloklanmasını təxirə salan fərman imzalayıb və bu təxirə salma müddətini sonradan bir neçə dəfə uzadıb.
Qaqdir, Bizimyol.info
Daha ətraflı məlumat və yeniliklər üçün ain.az saytını izləyin.
