Futbol üzrə Azərbaycan millisi 2026-cı il Dünya Çempionatının seçmə mərhələsində Ukrayna ilə üz-üzə gəlib.
Far.Az xəbər verir ki, qarşılaşma 1:1 hesablı bərabərliklə yekunlaşıb.
Ukrayna yığmasının ümumi bazar dəyəri 272,7 milyon avro təşkil edir. Komanda 24 futbolçudan ibarət olub, orta yaşı 26,1-dir və üzvlərinin 37,5 faizi legionerlərdən ibarətdir. Yığmanın FIFA reytinqindəki mövqeyi 26-cıdır.
Ukrayna millisinin ən bahalı oyunçusu 23 yaşlı mərkəz müdafiəçisi İlya Zabarniydir və onun bazar dəyəri 42 milyon avrodur. Qapıçı Anatoliy Trubin (SL Benfica) 28 milyon avro qiymətinə malikdir. Komandada həmçinin "Benfika", PSJ, "Şaxtyor Donetsk", "Dinamo Kiyev", "Trabzonspor" və digər Avropa klublarında çıxış edən futbolçular yer alır.
Azərbaycan millisinin bu nəticəsi, qarşı tərəfin böyük maliyyə və legioner potensialına baxmayaraq, komandanın mübariz və balanslı oyun sərgilədiyini göstərir. Bu heç-heçə yığmanın seçmə mərhələdə vacib xal qazanmasına imkan yaradıb.
