1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Sumqayıt-Bakı istiqamətində yol bir saata yaxın bağlı qalıb.
Oxu.Az xəbər verir ki, bununla bağlı sosial şəbəkədə videogörüntülər yayımlanıb.
Qeyd olunub ki, yolun Ceyranbatandan keçən hissəsindən Bakı istiqamətində avtomobillərin hərəkəti tamamilə dayandırılıb.
Məsələ ilə bağlı Baş Dövlət Yol Polisi İdarəsindən (BDYPİ) Oxu.Az-ın sorğusuna cavab olaraq bildirilib ki, hazırda yol açılıb.
"Ərazidə yüngül yol-nəqliyyat hadisəsi baş vermişdi. Sürücülər avtomobillərini kənara çəkmədikləri üçün bu cür hal yaşanıb. Hazırda yol açılıb, hərəkət normal qaydada təşkil olunub",- deyə açıqlamada bildirilir.
Əzizə İsmayılova
