"Neftçi"nin sabiq baş məşqçisi Roberto Bordinin yeni iş yeri bəlli olub..
QOL.az xəbər verir ki, italyan mütəxəssis Albaniyada işləyəcək. 60 yaşlı çalışdırıcı "Tirana"nın baş məşqçisi təyin olunub.
Bu barədə paytaxt klubunun rəsmi saytı məlumat yayıb. Bordinlə anlaşmanın detalları hələlik açıqlanmayıb.
Xatırladaq ki, R.Bordin 2018-ci il iyunun 8-dən 2020-ci il yanvarına qədər "Neftçi"nin baş məşqçisi olub. O, son olaraq İtaliyanın D Seriyası klubu "Kaldiero"nu çalışdırıb.
